表錯情

old cantonese comedy

姜中平（Geung Chung-Ping，1922年9月6號—1999年12月28號）係香港甘草演員、監製、策劃，五、六十年代香港粵語片嘅出名反角，亦係當時難得演反角一炮而紅嘅演員。姜中平喺香港出世。喺第二次世界大戰期間當過兵，喺軍隊參與文娛工作。

1947年正式加入電影圈，出演電影上百部，多飾演配角。七十年代減少電影演出，開始轉為幕後從事電影嘅監製、策劃工作。1984年，經診斷患上喉癌，期間仍然參加電影《傾城之戀》同《歌舞昇平》，之後就一直冇接觸幕前工作。1989年，喺香港做完聲帶手術之後移居美國芝加哥休養。期間參加《奸人本色》、《亡命天涯》、《少女心》呢啲電影，因癌細胞擴散返港定居。最後一次出演電影係1999年嘅《天使之城》。

1999年12月28號，因腎衰竭引致心臟病，喺瑪嘉烈醫院與世長辭，享年七十七歲。